Stephen Curry rinovon me Warriors, marrëveshja e re kap 116 milionë dollarë

Stephen Curry rinovon me Warriors, marrëveshja e re kap 116 milionë dollarë

Stephen Curry ka rinovuar kontratën me Golden State Warriors, duke nënshkruar një marrëveshje të re dyvjeçare në vlerë prej 116 milionë dollarësh.

Kontrata përfshin edhe një opsion lojtari për sezonin 2028/29, duke e mbajtur 38-vjeçarin te Warriors dhe duke i dhënë mundësinë që ta përfundojë karrierën me të njëjtin klub.

Curry do të përfitojë 62.5 milionë dollarë gjatë sezonit të ardhshëm, ndërsa marrëveshja e re është rreth 20 milionë dollarë më e ulët se maksimumi për të cilin ishte i kualifikuar.

Vendimi i tij i jep Golden State më shumë hapësirë financiare për të bërë përforcime në të ardhmen, ndërsa Curry synon të udhëheqë skuadrën drejt një tjetër gare për titullin e NBA-së.

Katër herë kampioni i NBA-së ka zhvilluar një karrierë të jashtëzakonshme me Warriors, ndërsa në sezonin e kaluar luajti vetëm 43 ndeshje për shkak të disa lëndimeve.

Warriors do ta nisin sezonin 2026/27 më 21 tetor, në përballje me Los Angeles Lakers.