Përmbytjet në Kanionin e Madh lënë një të vdekur dhe rreth 15 persona të zhdukur
Një person ka humbur jetën dhe rreth 15 të tjerë rezultojnë të zhdukur pas përmbytjeve të fuqishme që goditën Parkun Kombëtar të Kanionit të Madh në Arizona më 29 gusht.
Përmbytjet në Kanionin e Madh lënë një të vdekur dhe rreth 15 persona të zhdukur
Një person ka humbur jetën dhe rreth 15 të tjerë rezultojnë të zhdukur pas përmbytjeve të fuqishme që goditën Parkun Kombëtar të Kanionit të Madh në Arizona më 29 gusht.
Sipas autoriteteve të Shërbimit të Parqeve Kombëtare të SHBA-së, përmbytjet kanë shkaktuar rrjedhje të fuqishme uji, duke marrë me vete persona dhe materiale të ndryshme drejt lumit Kolorado.
Në mesin e viktimave është konfirmuar një burrë 46-vjeçar, ndërsa rreth 15 persona vazhdojnë të konsiderohen të zhdukur.
Pas përmbytjeve, 62 persona janë evakuuar nga zona, ndërsa ekipet e emergjencës po punojnë për të nxjerrë nga zona edhe rreth 50 persona të tjerë.
Deri më tani, autoritetet nuk kanë raportuar persona të tjerë të lënduar si pasojë e përmbytjeve.
Situata ka detyruar mbylljen e disa prej pikave turistike të parkut, ndërsa një pjesë e aktiviteteve janë pezulluar përkohësisht. Autoritetet po vlerësojnë dëmet dhe po vazhdojnë kërkimet për personat e zhdukur.
Përmbytjet kanë shkaktuar gjithashtu dëmtime në sistemin e furnizimit me ujë të pijshëm, duke bërë që rezervat e ujit në zonë të jenë të kufizuara.
Për shkak të kushteve të krijuara, turistëve u është ndaluar qëndrimi në zonën e prekur, ndërsa banorëve u është bërë thirrje që të përdorin ujin me kursim.
