Nuk konfirmohen raste me variantin “Stratus” të COVID-19 në Kosovë

Nuk konfirmohen raste me variantin “Stratus” të COVID-19 në Kosovë

Në Kosovë nuk janë konfirmuar deri më tani raste me variantin “Stratus” të COVID-19, i cili po qarkullon në Mbretërinë e Bashkuar.

Drejtoresha e Klinikës Infektive në Qendrën Klinike Universitare të Kosovës (QKUK), Vera Ndrejaj, ka bërë të ditur se Instituti Kombëtar i Shëndetësisë Publike të Kosovës (IKSHPK) nuk ka konfirmuar raste me këtë variant.

Ndrejaj ka paralajmëruar se lëvizjet dhe migrimi i popullsisë mund të ndikojnë në përhapjen e sëmundjeve infektive, duke theksuar rëndësinë e vëmendjes ndaj zhvillimeve epidemiologjike.