“Kush sulmon UÇK-në, sulmon lirinë” – Protestë në Klinë kundër vendimit të Speciales, në ballë djemtë e Krasniqit dhe Selimit

Qytetarë të shumtë janë mbledhur në Klinë në një protestë të organizuar në shenjë kundërshtimi ndaj vendimit dënues të Dhomave të Specializuara të Kosovës në Hagë ndaj ish-krerëve të UÇK-së.

Protesta po zhvillohet nën moton “Për drejtësi, për dinjitet, për Kosovën”, ndërsa në mesin e pjesëmarrësve janë edhe familjarë të ish-krerëve të UÇK-së.

Tubimi synon të shprehë pakënaqësinë ndaj vendimit dhe kërkesën për drejtësi, ndërsa pjesëmarrësit kanë përcjellë mesazhe në mbështetje të ish-pjesëtarëve të UÇK-së.