Kosova rikthehet në stërvitje, fokusohet te Izraeli

Kombëtarja e Kosovës është rikthyer në stërvitje në Debrecen, në kuadër të përgatitjeve për ndeshjen e radhës ndaj Izraelit.

Pas humbjes ndaj Austrisë, “Dardanët” kanë nisur përgatitjet për përballjen që zhvillohet të enjten në Hungari.

Në seancën stërvitore, lojtarët që nuk ishin titullarë ndaj Austrisë zhvilluan stërvitje, ndërsa futbollistët që nisën ndeshjen nga minuta e parë iu nënshtruan programit të rigjenerimit në palestër.

Ndeshja Izrael–Kosovë zhvillohet në Debrecen të enjten, nga ora 20:45.