Kallas takon përfaqësuesit e Ballkanit Perëndimor në New York, pjesë e darkës Kurti e Gjuriq
Përfaqësues të vendeve të Ballkanit Perëndimor janë takuar në New York në një drekë joformale me përfaqësuesen e lartë të Bashkimit Evropian për Punët e Jashtme dhe Politikën e Sigurisë, Kaja Kallas.
**Kallas takon përfaqësuesit e Ballkanit Perëndimor në New York, pjesë e darkës Kurti e Gjuriq**
Përfaqësues të vendeve të Ballkanit Perëndimor janë takuar në New York në një drekë joformale me përfaqësuesen e lartë të Bashkimit Evropian për Punët e Jashtme dhe Politikën e Sigurisë, Kaja Kallas.
Në takim morën pjesë kryeministri i Kosovës, Albin Kurti; ministri për Evropën dhe Punët e Jashtme i Shqipërisë, Ferit Hoxha; kryeministri i Maqedonisë së Veriut, Hristijan Mickoski; presidenti i Malit të Zi, Jakov Milatoviq; ministri i Punëve të Jashtme i Serbisë, Marko Gjuriq; si dhe ministri i Punëve të Jashtme i Bosnjë e Hercegovinës, Dino Konakoviq.
Për takimin ka njoftuar Ministria e Punëve të Jashtme e Bosnjë e Hercegovinës.
Sipas njoftimit, diskutimet u përqendruan në çështjet e stabilitetit rajonal dhe zhvillimet në Ballkanin Perëndimor.
Takimi u zhvillua në kuadër të angazhimeve diplomatike në New York, ku përfaqësuesit e vendeve të rajonit ndodhen për takime të ndryshme ndërkombëtare.
