Holanda pritet të rikthehet në Eurovision 2027, pavarësisht bojkotit të transmetuesit

Holanda pritet të marrë pjesë sërish në Eurovision në vitin 2027, edhe pse transmetuesi publik AVROTROS ka kundërshtuar pjesëmarrjen për shkak të shqetësimeve lidhur me zhvillimet dhe debatet rreth konkursit.

Vendimi për pjesëmarrjen është marrë nga NPO, organizata që mbikëqyr transmetimin publik në Holandë, ndërsa transmetimi i Eurovisionit do të realizohet nga NOS. Përfaqësuesi holandez në konkurs pritet të përzgjidhet nga një ekip i pavarur ekspertësh.

Drejtori i Përgjithshëm i AVROTROS, Taco Zimmerman, ka deklaruar se konfliktet ndërkombëtare po ndikojnë gjithnjë e më shumë në natyrën e Eurovisionit dhe se konkursi po shndërrohet në një platformë për përçarje.

Debatet rreth pjesëmarrjes së Izraelit kanë ndikuar edhe në pjesëmarrjen e disa shteteve të tjera. Irlanda ka konfirmuar bojkotin për vitin 2027, ndërsa Spanja po shqyrton vazhdimin e tërheqjes.

Eurovisioni 2027 pritet të mbahet në Arena Burgas, në Burgas të Bullgarisë.