Arian Tahiri: Qeveria të procedojë me urgjencë ndryshimin e Ligjit për Specialen

Shefi i Grupit Parlamentar të PDK-së, Arian Tahiri, ka kërkuar që Qeveria e Kosovës ta procedojë sa më shpejt në Kuvend ndryshimin e Ligjit për Dhomat e Specializuara në Hagë.

Tahiri tha se Kuvendi e ka kryer pjesën e tij dhe se tani përgjegjësia i takon Qeverisë. Sipas tij, projektligji duhet të trajtohet me urgjencë dhe të dërgohet në Kuvend brenda pak ditësh.

Ai vlerësoi gjithashtu miratimin e Deklaratës për Specialen, duke thënë se përmes saj është shprehur kundërshtimi ndaj asaj që ai e cilësoi si padrejtësi në Hagë.