Më 25 tetor ndryshon ora, akrepat kthehen një orë prapa

Ndryshimi nga ora verore në atë dimërore do të bëhet natën mes 24 dhe 25 tetorit 2026.

Në orën 03:00, akrepat do të kthehen një orë prapa, në 02:00, duke bërë që nata të zgjasë një orë më shumë.

Shumica e telefonave, kompjuterëve dhe pajisjeve të lidhura me internet do ta bëjnë automatikisht ndryshimin, ndërsa orët analoge mund të kenë nevojë për rregullim manual.

Pas kalimit në orën dimërore, do të ketë më shumë dritë në mëngjes, ndërsa errësira do të fillojë më herët gjatë pasdites. Ndryshimi mund të ndikojë përkohësisht edhe në gjumin dhe rutinën e përditshme.